‘सुत्ने प्याटर्न ठीक नभए मुटु रोगको जोखिम’

सुत्ने समय र यसको ढाँचा (प्याटर्न) ले मुटु रोगको जोखिम कम गर्न महत्वपूर्ण भूमिका खेल्छ । यसको अभावमा, तपाईं धेरै घातक रोगहरूको शिकार हुन सक्नु हुन्छ । नियमित समयमा न सुत्ने र उठ्ने मानिसलाई हृदय घात र स्ट्रोकको उच्च जोखिम हुन्छ ।

जर्नल अफ इपिडिमियोलोजी एण्ड कम्युनिटी हेल्थ मा प्रकाशित र बेलायतमा गरिएको यो अध्ययनले व्यक्तिले पर्याप्त निन्द्रा लिइरहेको भए वा नभए पनि सुत्ने प्याटर्न (बानी) ले मुटु स्वास्थ्यमा गहिरो प्रभाव पार्ने देखाएको छ ।

अनुसन्धान कर्ताहरूले ४० देखि ७९ वर्ष उमेर समूहका ७२ हजार २ सय ६९ व्यक्तिको तथ्याङ्क अध्ययन गरेका थिए जसमा मुटु सम्बन्धी कुनै गम्भीर समस्या थिएन । यस अध्ययनमा नियमित सुत्ने मानिसको तुलनामा अनियमित निन्द्रा भएका व्यक्तिलाई मुटु सम्बन्धी रोगको जोखिम बढी रहेको पाइयो ।

अनुसन्धान  कर्ताहरूले पत्ता लगाए कि अनियमित निद्रा को प्याटर्न भएका मानिसहरूलाई हर्ट एटैक वा स्ट्रोक हुने खतरा २६ प्रतिशत बढी हुन्छ । त्यही, जसको निद्राको प्याटर्न थोरै अनियमित थियो, उनीहरूमा यो जोखिम ८ प्रतिशत बढी थियो । यो अनुसन्धानले निद्राको प्याटर्न मुटु सँग सम्बन्धित समस्याहरूको लागि महत्वपुर्ण कारक हुन सक्ने प्रमाणित गर्छ ।

निन्द्रा को प्याटर्न महत्वपूर्ण

यो अध्ययनले यो पनि देखाउँछ कि निन्द्रा को कुल अवधि भन्दा बढी आवश्यक निन्द्राको प्याटर्न छ । मानिसहरू सात देखि नौ घण्टा सुती रहेका भए पनि यदि उनीहरूको सुत्ने समय अनियमित छ भने पनि मुटु रोगको जोखिम रहन्छ ।

असमय सुत्नु को बेफाइदा

असमय निन्द्रा ले हर्मोनल परिवर्तन हुन सक्छ, जसले भोक बढाउन सक्छ र मानिसहरूलाई बढी गुलियो खाने इच्छा महसुस हुन्छ । यसले तौल बढाउँछ, जो बिस्तारै कोरोनरी मुटु रोग को कारण बन्न सक्छ ।

ब्रिटिस हर्ट फाउन्डेसनकी वरिष्ठ कार्डियाक नर्स एमिली म्याकग्राथ ले भनिन् कि खराब निन्द्राका कारण शरीरमा सीआरपी प्रोटिनको मात्रा बढ्छ, जुन सुन्याइ को सङ्केत हो । सुन्याइ ले मुटु र रक्त वाहिनी हरु सँग सम्बन्धित समस्याहरू बढाउन सक्छ ।यो अनुसन्धानले यो पनि देखाउँछ कि निन्द्राको समस्याले मुटु र रक्तचाप सँग सम्बन्धित रोगहरू बढाउन सक्छ ।