‘वृद्धहरूमा स्मरण शक्ति हानिको लागि जिम्मेवार इन्जाइम पत्ता लाग्यो’

उमेर बढ्दै जाँदा हामीले चीजहरू बिर्सन थाल्छौं । यसको कारण हाम्रो स्मरणशक्ति कमजोर हुनु हो । अमेरिकाको पेन्सिल्भेनिया स्टेट युनिभर्सिटीको अनुसन्धान टोलीले मुसामा गरिएको अनुसन्धानमा स्मरण शक्ति घटाउने इन्जाइम पत्ता लगाएको छ । यसको मुख्य कारण इन्जाइम हिस्टोन डिएसेटाइलेज–३ (एचडीएसी३) रहेको छ ।

यो अनुसन्धान फ्रन्ट्रेयर्स इन मोलिक्युलर न्युरो साइन्स जर्नलमा प्रकाशित भएको छ । खोजहरूले देखाए कि जब यो इन्जाइम लाई अवरुद्ध गरिएको थियो, वृद्ध मुसाहरूले नयाँ जानकारी सम्झन र जवान मुसाहरू जस्तै प्रदर्शन गर्न सक्षम थिए ।

जीव विज्ञानका सहायक प्राध्यापक जेनाइन क्वापिसले भने की अनुसन्धान यो कुरामा केन्द्रित थिएन की के कुनै कुरा याद राख्न र समय समयमा यसलाई अपडेट गर्ने पछाडिको संयन्त्र एउटै हो । यो त्यस भन्दा एक कदम अगाडि रहेको उनले बताए ।

एचडीएसपी३ लाई पहिले पनि स्मृति निर्माण र जिन अभिव्यक्ति लाई नकारात्मक रूपले प्रभावित गरिरहेको पाइयो । तर स्मृतिको पुनः संयोजनमा यसको भूमिकाको यस अधि अध्ययन गरिएको थिएन ।

अध्ययनले मस्तिष्कको पुनः संयोजन (रिकंसोलिडेसन) को प्रक्रिया उमेर सँगै कम प्रभावकारी हुने बताइएको छ । जब एचडीएसी३ लाई मेमोरी पुनर् संरचना चरणमा अवरुद्ध गरिदा यसले मेमोरी अपडेटिङमा उमेर सम्बन्धित विशिष्ट कमीहरू लाई रोक्यो । क्वापिस ले भने कि यो अध्ययनले भविष्यमा अल्जाइमर र डिमेन्सियाको उपचारको लागि मार्ग प्रशस्त गर्न सक्छ ।