‘नेत्र ज्योति सम्मान पुरस्कार’, अतुल मिश्र लाई
काठमाडौं– नेपाल नेत्र ज्योति संघले वरिष्ठ पत्रकार एवं नेपालहेल्थप्रेस डटकम का प्रधान सम्पादक अतुल मिश्रलाई ‘नेत्र ज्योति सम्मान पुरस्कार’, प्रदान गरेको छ ।
विश्व कै सबै भन्दा ठूलो र सबै भन्दा बढी आँखा सम्बन्धी स्वास्थ्य प्रदायक संस्था रहेको ‘नेत्र ज्योति संघ’ले पहिलो पटक पत्रकारिताको माध्यमले आँखा स्वास्थ्य जन चेतना अभिवृद्धि मा उत्कृष्ट योगदानको लागि मिश्र लाई नगद सहित ‘नेत्र ज्योति सम्मान पुरस्कार’ प्रदान गरेको हो ।
सोसाइटी अफ हेल्थ केयर जर्नालिस्ट, नेपालका अध्यक्ष एवं विदेशी सञ्चार माध्यमका नेपाल ब्यूरो प्रमुख समेत रहेका पत्रकार मिश्र लाई संघको केन्द्रीय सभाको २९ औ अधिवेशन मा शुक्रवार उप प्रधानमन्त्री प्रकाश मान सिंह र स्वास्थ्य मन्त्री प्रदीप पौडेलले दोसल्ला ओढाउँदै सम्मान पत्र प्रदान गरेका हुन ।
कान्तिपुर राष्ट्रिय दैनिकमा १६ वर्ष ‘चीफ सब एडिटर’, गरि जम्मा २७ वर्ष काम गरेका मिश्र विज्ञान र स्वास्थ्य पत्रकारितामा विशेष दखल राख्छन् ।
तिन दशक देखि पत्रकारिता गरी रहेका मिश्र पछिल्लो सात महिना देखि नेपालहेल्थप्रेस डटकम मा ‘एडिटर इन चिफ’, को रूपमा कार्यरत छन् ।
प्रतिक्रिया दिनुहोस