दक्षिण कोरिया: अवतरण का क्रममा विमान दुर्घटना, १७९ जनाको मृत्यु

काठमाडौं– दक्षिण कोरियामा एउटा भयानक विमान दुर्घटनाको घटना सार्वजनिक भएको छ । जेजु एयरको विमान थाइल्याण्डको बैङ्ककबाट आइत बार दक्षिण कोरियाको मुआन फर्कदै थियो ।

विमानस्थलमा अवतरण गर्ने क्रममा विमान धावन मार्गमा चिप्लिएर पर्खालमा ठोक्किएको थियो । ठक्करका कारण विमान दुर्घटना हुनुको साथै तुरुन्तै आगो समेत लाग्यो ।

१७९ जनाको मृत्यु भएको आशङ्का 

दुर्घटनाको समय विमानमा १७५ यात्रु र ६ चालक दलका सदस्य थिए । रिपोर्ट का अनुसार यस दुर्घटनामा १ सय ७९ जनाको ज्यान गएको र २ जनाको मात्रै बाँच्ने अनुमान गरिएको छ । जानकारीका अनुसार यी दुई जना चालक दलका सदस्य हुन्, जो कुनै न कुनै रूपमा बाँचेका थिए । अहिले सम्म १७६ जनाको मृत्यु भएको पुष्टि भइसकेको छ तर मृत्यु हुनेको सङ्ख्या बढ्न सक्ने सम्भावना छ।

विमान आगोको गोलामा परिणत 

विमान बार सँग ठोक्किने बित्तिकै त्यसमा आगो लाग्यो र आगोको गोला बन्यो । त्यस पछि विमान जल्न थाल्यो, जसको फुटेज स्थानीय तथा अन्तर्राष्ट्रिय टेलिभिजन च्यानलका साथै सामाजिक सञ्जालमा प्रसारण भइरहेको छ । जसले विमानमा विस्फोट भयो र त्यो टुक्रा टुक्रामा परिणत भयो । तर, निकै प्रयास पछि अहिले आगो नियन्त्रणमा आएको जानकारी दमकलले दिएको छ ।

के कारणले भयो दुर्घटना ? 

प्रारम्भिक अनुसन्धानका अनुसार बैङ्ककबाट मुआन फर्कदै गरेको जेजु एयरको बोइङ ७३७–८०० चरा ठोक्किएर दुर्घटना भएको हो । चरा ठोक्किएर विमानको ल्यान्डिङ गियर बिग्रिएको बताइएको छ । मुआन अन्तर्राष्ट्रिय विमानस्थलमा यो दुर्घटना भएको हो । रिपोर्टका अनुसार विमान दुर्घटना हुनु अघि एक यात्रुले परिवारका सदस्यलाई एउटा चरा विमानको पखेटामा ठोक्किएको र त्यसमा फसेको सन्देश पठाएको थियो । ती यात्रुले आफ्नो परिवारका सदस्यलाई यो उनको अन्तिम शब्द हुन सक्ने बताए ।