नेत्र स्वास्थ्यको लागि थाइल्यान्ड सँग साझेदारी

बैंकक (थाइल्यान्ड)- नेत्र स्वास्थ्य सेवाको अभिवृद्धि गर्ने महत्वपूर्ण कदम स्वरूप नेपाल नेत्र ज्योति संघ र थाईल्यान्डको महिदोल विश्वविद्यालय बीच सम्झौतापत्र हस्ताक्षर भएको छ।

थाईल्यान्डमा बिमस्टेक शिखर सम्मेलनको अवसरमा प्रधानमन्त्री केपी शर्मा ओली र थाईल्यान्डका प्रधानमन्त्री पैटोंगटार्न शिनावात्राको उपस्थितिमा यो सम्झौता औपचारिक रूपमा सम्पन्न भएको हो।

यो साझेदारीले नेत्र उपचार सेवा सुदृढ पार्नुका साथै ज्ञान आदान प्रदान र प्रविधि सहकार्यलाई प्रवर्द्धन गर्ने लक्ष्य लिएको छ ।