पृथ्वी राजमार्गमा आकस्मिक स्वास्थ्य सेवा सुधारका लागि बीईसी तालिम सम्पन्न

काठमाडौं–स्वास्थ्य मन्त्रालय अन्तर्गत स्वास्थ्य आपतका लीन तथा विपद् व्यवस्थापन शाखा द्वारा आयोजित एक साताको आधारभूत आकस्मिक स्याहार (बीईसी) सम्बन्धी तालिम पृथ्वी राजमार्गको नागढुंगा–मुग्लिन कोरिडोरमा सम्पन्न भएको छ ।

उक्त तालिममा १६ वटा निजी, सहकारी र सरकारी अस्पतालका साथै सशस्त्र प्रहरी बलका अस्पतालहरू (बलम्बु र कुरिनटार) का आकस्मिक कक्षमा कार्यरत २५ जना चिकित्सक र स्वास्थ्य कर्मी सहभागी थिए ।

तालिम मा अतिरिक्त स्वास्थ्य सचिव डा. दिपेन्द्र रमण सिंहले तालिम ले नागरिक स्तरमै आकस्मिक स्वास्थ्य सेवा विस्तार गर्न महत्वपूर्ण भूमिका खेल्ने बताएका छन्।

डा. सिंहले आकस्मिक सेवा सुधार सरकारको प्राथमिकतामा रहेको भन्दै, लामो तथा मध्यम दूरीका चालक, सहचालक, ट्राफिक प्रहरी, सुरक्षाकर्मी र स्वयंसेवीहरू मार्फत समुदाय स्तरमा उद्धारकर्ताको विकास गर्ने गृहकार्य भइरहेको जानकारी गराए ।

स्वास्थ्य मन्त्रालयका प्रवक्ता तथा विपद् व्यवस्थापन शाखाका प्रमुख डा. प्रकाश बुढाथोकीले विश्व स्वास्थ्य सङ्गठन नेपाल र एफएचआईलाई धन्यवाद दिदैँ हाल सम्म देश भरका ९०१ स्वास्थ्य कर्मीले बीईसी तालिम प्राप्त गरिसकेको र यो सङ्ख्या ९२५ पुग्ने जानकारी गराए ।

साथै, उनले नाग ढुङ्गा करिडोरमा १६ वटा अस्पतालका आकस्मिक कक्षमा कार्यरत स्वास्थ्य कर्मीलाई तालिममा सहभागी गराएर सामूहिक प्रयासमा ज्यान बचाउने सीपलाई विस्तार गरिएको बताए ।

तालिम का मुख्य प्रशिक्षक डा. राम न्यौपानेले र प्रशिक्षक टोलीमा डा. सानु कृष्ण श्रेष्ठ, डा. दिनेश भण्डारी, डा. गृष्मा श्रेष्ठ र गीता कुमारी सत्याल रहेका थिए ।

सडक दुर्घटनाका जोखिम घटाउन प्रभावकारी हुने अपेक्षा 

भौतिक पूर्वाधार तथा यातायात मन्त्रालयका सह सचिव कृष्ण राज पन्थले तालिमले सडक दुर्घटनाबाट हुने चोट पटक जोखिम घटाउन सहयोग पुग्ने उल्लेख गरे । सशस्त्र प्रहरी बल अस्पतालका प्रमुख डीआईजी डा. रुपक महर्जनले नाग ढुङ्गा हाइवे कोरी डोरमा सडक दुर्घटनाको उच्च दरलाई मध्य नजर गर्दै थप तालिम आवश्यक रहेको समेत आौल्याए ।