‘अब पार्किन्सन १५ वर्ष अगाडि नै पत्ता लाग्ने’

इजरायलको तेल अवीव विश्व विद्यालयका अनुसन्धान कर्ताहरूले कोशिकाहरूमा प्रोटिन जम्मा भएको पत्ता लगाउने विधि विकास गरेका छन् जसले पार्किन्सन रोगको पहिचान गर्छ ।

यसको अर्थ पार्किन्सन रोगको पहिलो लक्षण देखिनु भन्दा १५ वर्ष अघि नै यो रोग बारे पत्ता लगाउन सकिन्छ, ताकि समय मै उपचार सुरु गर्न सकियोस् र यसरी निको नहुने रोगबाट बच्न सकिन्छ । यो अनुसन्धान यही महिनाको साइन्टिफिक जर्नल फ्रन्ट्रेयर्स इन मोलिक्युलर न्युरो साइन्स मा प्रकाशित भएको छ ।

प्रा.उरी अशेरी र तेल अवीव युनिभर्सिटीका पिएचडी विद्यार्थी ओफिर साडे ले भने की अनुसन्धान कर्ताहरूले २ जिन म्यूटेसनमा केन्द्रित गरे , जो एशकेनाजी यहूदीहरूमा ठूलो मात्रामा पाइन्छ । प्रा.अशेरी र साडेको नेतृत्व मै इजरायली मेडिकल सेन्टर, जर्मनी र अमेरिकाका अनुसन्धान कर्ताहरूले यो खोज गरेका हुन् ।

‘हामी आशा गर्छौं कि आगामी वर्षहरूमा पार्किन्सन्स रोगीहरूको परिवारका सदस्यहरू जो यो रोगको विकासको जोखिममा छन् उनीहरूको लागि उपचार विकल्पहरू विकास गर्न सम्भव हुनेछ’, अशेरीले टाइम्स अफ इजरायल लाई बताए ।

सुपर–रिजोल्युसन माइक्रोस्कोपी प्रयोग गरेर, अन्वेषकहरूले पार्किन्सनका बिरामीहरूका कोशिकाहरूको जाँच गरे –रोगीहरूको मस्तिष्कबाट नभइ तिनिहरूको छालाबाट जाँच गरिएको थियो ।

विश्व स्वास्थ्य सङ्गठन (डब्लुएचओ) का अनुसार पार्किन्सन रोग मस्तिष्कको एक अवस्था हो, जसको कारण ले मांसपेशी मा दुखाइको सङ्कुचन, कम्पन र बोल्न गाह्रो हुन्छ ।

पछिल्लो २५ वर्षमा पार्किन्सन्सको घटना दोब्बर भएको छ । विश्वव्यापी रूपमा लगभग २८ लाख मानिसहरू यस रोगबाट पीडित छन् र इजरायलमा प्रत्येक वर्ष १२०० नयाँ रोगीहरूको पहिचान गरिन्छ ।

अशेरीले भने कि पार्किन्सन्स वास्तवमा मीड ब्रेनको सब्सटेन्सिया निग्रा क्षेत्रमा डोपामाइन उत्पादन गर्ने न्यूरोन्सको विनाशले जन्म लिन्छ ।

जब सम्म पार्किन्सनको शरीरको हिँडडुल सँग जोडिएको लक्षण देखिन थाल्छन् तव सम्म ५० देखी ८० प्रतिशत डोपामिनर्जिक न्यूरोन्स पहिले नै मरी सकेको हुन्छन्, र तिनिहरू लाई पुनः जीवित गर्ने कुनै उपाय छैन ।

त्यसैले, यसको उपचार आज ‘धेरै सीमित’ छ । अशेरीले भने कि यो हुनुको कारण रोगी पहिले देखि नै रोगको एडभान्स स्टेज (उन्नत चरण) मा हुन्छन् ।