‘भारतमा मंकी पक्सको घातक स्ट्र्रेन क्लेड–१ देखियो’
विघ्नेश विमल
बुधबार, २०८१ असोज ९ गते, ०८:५० मा प्रकाशित
नयाँ दिल्ली– भारतमा एमपक्स (मंकी पक्स) भाइरसको खतरनाक रूप अर्थात नयाँ प्रजाति (स्ट्र्रेन) क्लेड–१ केरलामा फेला परेको छ । हालै युएई वाट फर्किएका एक ३८ वर्षीय पुरुषमा यो स्ट्रेन भेटिएकोहो।
यो घटनापछि राज्य सरकार र स्वास्थ्य विभाग अलर्टमा भएका छन् । अफ्रिकी महाद्वीपमा विनाश मच्चाए पछि विश्व स्वास्थ्य सङ्गठन (डब्लुएचओ) ले यो क्लेड–१ भाइरसको बारेमा विश्वव्यापी आपतकालीन अलर्ट जारी गरेको थियो ।
कत्तिको खतरनाक छ क्लेड–१
मंकी पक्स भाइरसको नयाँ स्ट्र्रेन क्लेड–१ अरू प्रजाति भन्दा खतरनाक मानिन्छ । यो स्ट्रेन अरु भन्दा छिटो फैलिन्छ । जसले गर्दा सङ्क्रमणको जोखिम बढ्छ ।
यसका लक्षणहरू पनि धेरै गम्भीर हुन्छन्, जस्तै उच्च ज्वरो, पीडा दायी दाग र अन्य समस्याहरू । केही अवस्थामा, यो गम्भीर हुन सक्छ र निमोनियाँ वा इन्सेफ्लाइटिस समेत हुन सक्छ । अहिले वैज्ञानिकहरू यस विषयमा अनुसन्धान गरिरहेका छन् ।
प्रतिक्रिया दिनुहोस