अनुसन्धान
दिनहुँ मल्टि भिटामिनको सेवनले मृत्युको जोखिम बढ्छ, आयु बढ्दैन
![](https://ap-south-1.linodeobjects.com/nepalhealthpress/2024/07/myImage-36-scaled.jpg)
जामा नेटवर्क ओपनमा प्रकाशित अध्ययन अनुसार यदि स्वस्थ व्यक्तिहरूले दैनिक मल्टि भिटामिनहरू लिइरहेका छन् भने, यसको अर्थ तिनिहरू लामो समय सम्म बाँच्नेछन् भन्ने होइन ।
अमेरिकामा करिब दुई दशक सम्म चार लाख मानिसमा गरिएको एक अध्ययनपछि यो कुरा बाहिर आएको हो । नेशनल इन्स्टिच्युट अफ हेल्थ (एनआइएच) को अध्ययन अनुसार लामो समयसम्म दैनिक मल्टि भिटामिन लिँदा स्वस्थ वयस्कहरू मा प्रारम्भिक मृत्युको जोखिम कम हुँदैन ।
अनुसन्धान कर्ताहरूका अनुसार अमेरिकामा ३३ प्रतिशत स्वस्थ वयस्कहरू ले दैनिक मल्टि भिटामिन प्रयोग गर्छन् । यसले उनीहरूमा आफ्नो स्वास्थ्य राम्रो रहने मात्र नभइ अन्य रोगबाट पनि जोगिने समेत मान्यता रहेको छ । यस्तै यसले तिनिहरूलाई लामो र स्वस्थ जीवन प्राप्त गर्न मद्दत गर्नेछ । तर, अहिले सम्म गरिएको अध्ययनमा यसको कुनै प्रमाण फेला परेको छैन ।
मल्टि भिटामिन ती व्यक्तिहरूका लागि पक्कै पनि फाइदा जनक हुन्छ जसको शरीरमा कुनै न कुनै प्रकारको विशेष पोषणको कमी छ ।
यस अध्ययनमा मल्टि भिटामिनको प्रयोग र गम्भीर रोग मुख्य रूपमा कार्डियोभास्कुलर (मुटु र रक्त नली सम्बन्धी) रोग वा क्यान्सरले हुने मृत्यु बीच सम्बन्ध लाई जान्ने प्रयास गरियो ।
अनुसन्धान कर्ताहरूले अध्ययनमा सहभागीहरूलाई तीन समूहमा विभाजन गरे । पहिलो समूहले कहिल्यै मल्टि भिटामिन प्रयोग गरेन, दोस्रोले कहिले काही गरे तेस्रोले यसलाई दैनिक प्रयोग गरे ।
अनुसन्धान कर्ताले दुई दशकसम्म अध्ययनमा सहभागीहरूलाई पछ्याए भने केहीलाई त २७ वर्ष सम्म अनुगमन गरे । अध्ययनको क्रममा १ लाख ६४ हजार ७ सय ६२ सहभागीहरूको मृत्यु भयो। जस मध्ये ३० प्रतिशतको क्यान्सर, २१ प्रतिशत मुटु रोग र ६ प्रतिशतको मस्तिष्क सम्बन्धी रोगका कारण मृत्यु भयो ।
दैनिक सेवन गर्दा मृत्युको जोखिम बढी
विश्लेषणका क्रममा दैनिक मल्टि भिटामिन सप्लिमेन्ट प्रयोग गर्नेहरूमा यसको उपयोग नगर्ने हरको दाँजोमा मृत्युको जोखिम चार प्रतिशत बढी हुने गरेको देखियो । यद्यपि यस अनुसन्धानका धेरै सीमितता हरू छन्, जसका नतिजाहरू ठूलो जनसङ्ख्या को लागि सामान्यीकरण गर्न मिल्दैन।
प्रतिक्रिया दिनुहोस