‘सेतो दाग पीडित १० प्रतिशत व्यक्ति गम्भीर साइड इफेक्ट सहित एम्स पुग्छन्’

नयाँ दिल्ली – सेतो दाग अर्थात् भिटिलिगो पीडित मानिसहरू झोला छाप डाक्टर (क्वेक) को शिकार भएर आफ्नो छाला बिगार्छन् । यस रोगको उपचारका लागि अल इन्डिया इन्स्टिच्युट अफ मेडिकल साइन्स (एम्स) को भिटिलिगो क्लिनिकमा पुग्ने बिरामी मध्ये करिब १० प्रतिशत गलत औषधिको प्रयोगबाट हुने गम्भीर साइड इफेक्टका कारण छाला बिग्रिएर एम्स पुगेका हुन ।

भिटिलिगो फाउन्डेसन अफ इन्डिया द्वारा आयोजित एक सम्मेलनमा एम्सका डाक्टरले यो जानकारी दिए । एम्सको छाला रोग विभाग की एडिसनल प्रोफेसर डा.कनिका साहनीले यो एक अटोइम्युन रोग भएको बताइन् । शरीरको मेलानोसाइट्स प्रभावित हुँदा मेलानिन उत्पादन हुन सक्दैन र छाला सेतो हुन्छ ।

यस रोगको बारेमा गलत धारणाहरू छन् । यो सरुवा रोग होइन । यो रोगको उपचार पनि सम्भव छ तर यसको असर विस्तारै हुन्छ।

धेरै मानिसहरू उपचारको लागि ग्यारेन्टी सहित उपचारको दाबी गर्ने झोला छाप डाक्टरहरू कहाँ पुग्छन् । पछि गलत औषधिको कारण गम्भीर समस्या लिएर उपचारका लागि एम्स आउने गरेको डा.साहनी ले बताइन ।

यसबाहेक शल्यक्रिया, लेजर सर्जरी र फोटो थेरापीबाट पनि सेतो दागको उपचार गरिन्छ । औषधिले प्रारम्भिक चरणमा रोगलाई बढ्न बाट रोक्न सक्छ । पछि, शल्यक्रिया, लेजर सर्जरी वा अन्य उपचार विकल्पहरू बाट छालाको रङ्गमा सुधार ल्याउन सकिन्छ ।