‘बाल्य कालमा प्रदूषणको सम्पर्कमा आएका लाई पछि ब्रोन्काइटिसको जोखिम’

एक नयाँ अध्ययनले बाल्य कालमा वायु प्रदूषणको जोखिम र पछिको जीवनमा फोक्सोको स्वास्थ्य बीचको सम्बन्धको बारेमा नया तथ्यहरू पत्ता लगाएको छ ।

केक स्कूल अफ मेडिसिनको नेतृत्वमा रहेको अनुसन्धान कर्ताहरूको टोलीले बाल्य कालमा वायु प्रदूषणको जोखिम वयस्क भए पछि ब्रोन्काइटिसका  लक्षणहरू सँग प्रत्यक्ष रूपमा जोडिएको पत्ता लगाएको छ । जसका कारण उनीहरूले स्वास्थ्य समस्या झेल्नु परेको छ ।

अमेरिकन जर्नल अफ रेस्पिरेटरी एण्ड क्लिनिकल केयर मेडिसिनमा प्रकाशित उक्त अध्ययनले १,३०८ बालबालिकाको तथ्याङ्कलाई परीक्षण गरेको थियो, जसको मूल्याङ्कनको समयमा औसत उमेर ३२ वर्ष थियो । नतिजाहरूले देखाए कि यी मध्ये एक चौथाई मानिसहरूलाई पछिल्लो १२ महिना भित्र ब्रोन्काइटिसको लक्षण देखियो ।

केक स्कूल अफ मेडिसिनका जनसंख्या तथा जन स्वास्थ्य विज्ञानका सहायक प्रोफेसर एरिका गार्सियाले भने कि बाल्य कालमा वायु प्रदूषणको जोखिमले हाम्रो श्वास प्रश्वास प्रणालीमा गहिरो प्रभाव पार्छ, जसले हामीलाई वयस्क भए पछि प्रभावित र असर गर्न सक्छ । ब्रोंकाइटिस लक्षणहरूको उपस्थिति जन्म देखि १७ वर्षको उमेर बीचमा दुई प्रकारका प्रदूषकहरूको जोखिम सँग सम्बन्धित थियो ।

एउटा समूहमा हावामा रहेको ससानो कणहरू समावेश थिए, जसमा धूलो, परागकण, जंगलको आगोबाट निस्कने खरानी, औद्योगिक उत्सर्जन र सवारी साधनबाट निस्कने उत्पाद आदि समावेश थिए । जबकी, दोस्रो नाइट्रोजन डाइअक्साइड हो । जुन  अटोमोबाइल, हवाइ जहाज, डुङ्गा र पावर प्लान्टहरूमा हुने दहनको उप–उत्पादन हो ।