डा.अवनिभूषण को चार दशक को भोगाइ, ‘मुटुसँग सह यात्रा’ पुस्तक सार्वजनिक

काठमाडौं–बरिष्ठ मुटु रोग विशेषज्ञ डा.अवनिभूषण उपाध्याय द्वारा लिखित ‘मुटुसँग सहयात्रा’, पुस्तक शनिवार एक समारोह बिच सार्वजनिक गरिएको छ । बरिष्ठ मुटू रोग विशेषज्ञ डा.मृगेन्द्रराज पाण्डे र काठमाडौं विश्व विद्यालयका पूर्व उपकुलपति डा.सुरेशराज शर्माले उक्त पुस्तकको लोकार्पण गरे ।

४ सय ५२ पृष्ठको डा.अवनिभूषणको जीवन यात्रा समेटिएको उक्त पुस्तक  एक नेपाली डाक्टर को व्यावसायिक जीवनको आत्मकथा मात्र नभइ चार दशक अघि देखिको स्वास्थ्य अवस्थालाई समेत झल्काउँछ ।

पुस्तकले नेपालको स्वास्थ्य क्षेत्रको विभिन्न सकारात्मक, नकारात्मक पक्ष लाई उजागर गरेको छ ।  मुटु रोग उपचार क्षेत्रको जीवन्त इतिहास वर्णन गरिएको पुस्तकमा चिकित्सा क्षेत्रको अव्यवस्था समेत समेटिएको छ ।