‘स्वास्थ्य राज्य मन्त्रीले भने:वंशाणुगत रोग केन्द्र स्थापनाको लागि पहल थाल्ने छु’

काठमाडौं–स्वास्थ्य तथा जनसंख्या राज्य मन्त्री हीराचन्द्र केसीले मुलुकमा वंशाणुगत रोगको विषयमा अध्ययन, अनुसन्धान सँग संगै अत्याधुनिक प्रविधि सहितको उपचार गर्ने छुट्टै केन्द्र स्थापना गर्न आवश्यक रहेको बताएका छन ।
वीर अस्पतालले मंगलबार काठमाडौंमा आयोजना गरेको एउटा कार्यक्रममा स्वास्थ्य राज्यमन्त्री केसीले वंशाणुगत रोग केन्द्र स्थापनाको लागि समेत पहल थाल्ने बताएका हुन् ।
नेपालमा वंशाणुगत रोगका विषयमा अध्ययन नभएको पाइएको औँल्याउदै उनले वंशाणुगत रोगको विषयमा तथ्यांक राख्नुपर्ने र अध्ययन गर्न आवश्यक रहेको समेत बताए ।
वंशाणुगत रोग विशेषज्ञ डा. निलम ठाकुरले विरमा रगतजन्य वंशाणुगत रोगको उपचार निशुल्क हुादै आएकोले बिरामीलाई राहत पुगेको बताइन् । उनले वंशाणुगत रोगका सन्दर्भमा सरकारले निती योजना तर्जुमा गर्न आवश्यक रहेको समेत उल्लेख गरिन ।