लामखुट्टेले केही व्यक्ति लाई अन्यको दाँजोमा किन बढि टोक्छ ? शरीर को केही रसायन लाम खुट्टेलाई बढी आकर्षित गर्न सक्छ

के तपाईंलाई लामखुट्टेले अन्य व्यक्तिको दाँजोमा बढी टोक्छ ? यदि तपाईंलाई यस्तो अनुभव भइ रहेको छ भने यसमा केही आश्चर्य जनक छैन । वास्तवमा तपाइको शरीरको केही रसायन लामखुट्टेलाई बढी आकर्षित गर्न सक्छ ।

जर्नल सेलमा प्रकाशित ६४ व्यक्तिमा गरिएको एउटा अध्ययनमा वैज्ञानिकहरूले केही व्यक्तिमा लामखुट्टेले बढी टोक्ने  कारणबारे बताएका छन ।

अध्ययनमा संलग्न व्यक्तिहरूको बाहुलामा नाइलनको स्टँकिङ्गस लगाइयो । हरेक व्यक्तिको शरीरको गन्ध नाइलनको स्टँकिङ्गसमा समाहित हुनको लागि ६ घन्टा सम्म लगाएर राखियो ।

अनुसन्धानकर्ताहरूले यो नाइलन लाई टुक्रा  पारेर फरक फरक कन्टेनरमा राखे, जसमा पोथी एडीज एजिप्टी लामखुट्टे थियो ।

अनुसन्धानकर्ताले के पाए भने केही कन्टेनरमा राखिएको नाइलनको टुक्रामा लामखुट्टे बढी टाँस्सिएका थिए, जबकी अन्य कन्टेनरमा यसको दाँजोमा कम थिए ।

यो अध्ययनमा के थाहा पाइयो भने छालाको गन्ध फरक फरक लामखुट्टेलाई आकर्षित गर्न सक्छ । युएस नेशनल इन्स्टिच्युट अफ हेल्थ(एनआइएच)को अनुसार लामखुट्टे मा भोजनलाई खोज्न विशेष रिस्पेटर हुन्छ, जो उनिहरु लाइ कार्वन डाईअक्साइड लाई पत्ता लगाउन सघाउँछ । हाम्रो छाला वाट पनि यही ग्यास निस्किन्छ । छालाको गन्ध वास्तवमा ब्याक्टेरिया को कारणले हुन्छ । फरक फरक व्यक्तिमा ब्याक्टेरियाको कारणले छालामा गन्ध वा दुर्गन्ध पनि फरक हुन सक्छ ।

अनुसन्धान अनुसार लामखुट्टे यही गन्धको आधारमा केही व्यक्तिलाई बढी जबकी केही व्यक्तिलाई कम टोक्ने गरेका छन ।

छाला प्रति लामखुट्टेको आकर्षण

अनुसन्धान परिणाम अनुसार जुन व्यक्तिको छालामा कार्बोक्जिलिक एसिड बढी हुन्छ, उनीहरु प्रति लामखुट्टेको आकर्षण पनि बढी हुन सक्छ ।

यो एसिड छालाको ‘सेबम’, खण्डमा निर्माण हुन्छ । सेबम एउटा तैलीय पत्र हो जो हाम्रो छालालाई छोप्ने गर्छ । यो एसिड हाम्रो छालालाई मोइस्चराइज र संरक्षित राख्न सघाउँछ । उसो केही व्यक्तिमा यसको उत्पादन बढी किन हुन्छ यो बारे जान्न अध्ययन गरि राखिएको छ । छालाको गन्धको बाहेक केही अन्य कारक पनि लामखुट्टेको आकर्षणको कारण बन्न सक्छन् ।