‘तपाई प्रत्येक साता एउटा क्रेडिट कार्ड बराबरको प्लास्टिक निल्दै हुनु हुन्छ’

नयाँ दिल्ली (ब्यूरो) –हालै गरिएको एक अध्ययन अनुसार मानिसले एक वर्षमा कम्तीमा ५.२ ग्राम र अधिकतम २६० ग्राम माइक्रोप्लास्टिक निल्ने गरेको छ । अर्थात् तपाई अनजान मै क्रेडिट कार्ड जति को प्लास्टिक प्रत्येक साता निल्दै हुनु हुन्छ ।

यो अध्ययन अस्ट्रेलियाको न्युक्यासल युनिभर्सिटीका प्राध्यापक धावा पलानीसामीले गरेका हुन । जुन अल इन्डिया इन्स्टिच्युट अफ मेडिकल साइन्स (एम्स) , नयाँ दिल्ली मा आयोजित एक कार्यक्रममा प्रस्तुत गरिएको हो ।

माइक्रोप्लास्टिक एक दमै साना प्लास्टिक कणहरू हुन्, जुन खाना र श्वास प्रश्वास बाट मानव शरीरमा प्रवेश गर्छ । यी खतरनाक कणहरू धाराको पानी, बोतलको पानी, मह, नुन र बियरमा समेत पाइन्छ ।

यो समस्या समुद्री खाना (सी फुड) मा झनै गम्भीर छ । समुन्द्रमा रहेको प्लास्टिकको फोहोर समुद्री जीवको माध्यमले मानिस सम्म पुग्छ । यस बाहेक हावामा भएका माइक्रोप्लास्टिक पनि श्वासप्रश्वासको माध्यमबाट शरीरमा प्रवेश गर्छ ।

माइक्रोप्लास्टिकले रोगको जोखिम बढाउँछ 

एम्सका प्राध्यापक डा. रीमा दादाका अनुसार माइक्रोप्लास्टिकले मनुष्यको रोग प्रतिरोधात्मक क्षमतालाई कमजोर बनाउँछ । जसका कारण मधुमेह, थाइराइड, स्नायु सम्बन्धी समस्या र क्यान्सर जस्ता गम्भीर रोगको जोखिम बढ्दै गएको छ । यसले बाझो पन पनि निम्त्याउन सक्छ ।

सबै भन्दा बढी प्लास्टिक कण पानीमा 

प्राध्यापक धावाको अध्ययन अनुसार अधिकांश माइक्रोप्लास्टिक धाराको पानी र बोतलको पानीमा पाइएको छ । विशेष गरी बोतलको पानीमा प्लास्टिकको मात्रा बढी हुन्छ । यस बाहेक नुन, मह र चिनी जस्ता वस्तुहरू पनि प्लास्टिक बाट दूषित छन् ।

के हाे माइक्रोप्लास्टिक

नेशनल ओशिनिक एण्ड एटमोस्फेरिक एडमिनिस्ट्रेशन (नोआ) का अनुसार माइक्रोप्लास्टिक भनेको ०.२ इन्च (५ मिलिमिटर) भन्दा सानो प्लास्टिक को कण हो। हेर्नमा तिनीहरूको आकार तिलको बीउ बराबर हुन सक्छ ।