गलत निदानको समस्याले स्वास्थ्य सेवामा गम्भीर खतरा

हालै गरिएको एक अनुसन्धानले अस्पतालमा प्रत्येक १४ जना बिरामी मध्ये एक जनाको निदान गलत हुने गरेको छ । यो अध्ययन अनुसार गलत निदानको समस्याले स्वास्थ्य सेवामा गम्भीर खतरा निम्त्याउँदै छ । यस लाई सुधार गर्न, चिकित्सा क्षेत्रमा नयाँ प्रविधि र उपायहरू आवश्यक छ ।

बीएमजे क्वालिटी एण्ड सेफ्टी जर्नलमा प्रकाशित यस अनुसन्धानले धेरै जसो गलत निदान (गलत उपचार) हर्ट फेलियर, एक्युट किड्नी फेलियर, सेप्सिस, निमोनियाँ, श्वास प्रश्वासको रोकावट, मानसिक स्थितिमा परिवर्तन, पेट दुख्ने र हाइपोक्सिमिया (रगतमा अक्सिजनको कमी) जस्तो रोगमा हुन्छ । यी रोगहरूको सही समयमा निदान हुन सकेन भने, यो बिरामीको स्वास्थ्यको लागि खतरा हुन सक्छ ।

अनुसन्धान कर्ताहरूले निदान को त्रुटिहरूको उच्च जोखिम भएका श्रेणी हरूको पनि खुलासा गरे । यस अनुसार भर्ना भएको २४ घण्टा वा सो भन्दा बढी समय पछि बिरामीलाई आईसीयूमा सारिएको अवस्थामा गलत निदानको जोखिम बढी हुन्छ । थप रूपमा, अस्पतालमा भर्ना भएको ९० दिनभित्र बिरामीको मृत्यु हुने वा जटिल चिकित्सा समस्या हरू अनुभव गर्ने केसहरू लाई पनि उच्च जोखिममा राखिएको छ।

गलत निदानको नतिजा

गम्भीर खतराहरू अध्ययनमा समेटिएका १५४ बिरामी को १६० वटा मामिलाको समीक्षा वाट थाहा पाइए अनुसार यस मध्ये ५४ मामिला मा बिरामी लाई २४ घण्टा पछि आइसीयुमा स्थानान्तरित गरियो, ३४ वटा बिरामीको ९० दिनभित्र मृत्यु भयो र ५२ वटामा जटिल चिकित्सा समस्याको सामना गर्नु पर्यो । यस बाहेक, कम जोखिम भएका बिरामीहरूमा पनि निदानमा त्रुटिहरूको सङ्ख्या २० थियो ।

अनुसन्धानले भन्छ कि निदान मा हुने त्रुटिहरू ८५ प्रतिशत सम्म रोक्न सकिन्छ । यसका लागि स्वास्थ्य सेवामा अनुगमनको विधिमा सुधार गर्न आवश्यक छ । एआई (कृत्रिम बुद्धिमत्ता) र अन्य प्राविधिक उपकरणहरू प्रयोग गरेर निदान को त्रुटिहरू कम गर्न सकिन्छ भन्ने अनुसन्धान कर्ताहरू विश्वास गर्छन् ।

एआई र निगरानीको सुधार

समयमै हस्तक्षेपको आवश्यकता अनुसन्धान कर्ताहरूले सुझाव दिएका छन् कि चिकित्सा कार्य प्रवाहमा एआई उपकरणहरू समावेश गर्नाले निदान त्रुटिहरू (गलत उपचार) कम गर्न सकिन्छ ।

यी उपकरणहरू मार्फत, स्वास्थ्य कर्मीहरूले सही समयमा हस्तक्षेप गर्न सक्छन् र गलत निदान रोक्न सक्छन् । यसका साथै त्रुटिलाई राम्ररी विश्लेषण गरी अनुगमनमा सुधार गर्नुपर्ने आवश्यकता पनि व्यक्त गरिएको छ ।

यो अनुसन्धानले निदान (गलत उपचार) मा त्रुटिहरूको समस्या गम्भीर रहेको, तर यसलाई रोक्न सकिन्छ भनेर स्पष्ट रूपमा देखाउँछ । चिकित्सा क्षेत्रमा प्राविधिक सुधार र अनुगमनका उपाय अपनाएर बिरामीको स्वास्थ्य सुरक्षित राख्न सकिन्छ ।