‘असुरक्षित खानाले वर्षेनी ६० करोड बिरामी, ४.२ लाखले ज्यान गुमाउँछन् : डा.टेड्रोस’

नयाँ दिल्ली– विश्व स्वास्थ्य सङ्गठन (डब्लुएचओ)का महा निर्देशक डा. टेड्रोस अधानोम गेब्रेयससले खाद्य सुरक्षाको महत्वमा जोड दिँदै हरेक वर्ष असुरक्षित खानाका कारण ६० करोड मानिस खाद्य जन्य रोगको सिकार हुने र ४ लाख २० हजारको मृत्यु हुने बताए ।

भारतको राजधानी नयाँ दिल्लीमा आयोजित ग्लोबल फुड रेगुलेटर्स समिट २०२४ मा उनले भिडियो सन्देश मार्फत यस्तो बताएका हुन् ।

डा.टेड्रोस ले हाम्रो खाद्य प्रणाली को लागि जलवायु परिवर्तन, जनसङ्ख्या वृद्धि, नयाँ प्रविधि, विश्वव्यापी करण र औद्योगीकरण ले चुनौतीहरू बढ्दै गएको बताए ।

असुरक्षित खानाका कारण हुने ७० प्रतिशत मृत्यु पाँच वर्षमुनिका बालबालिकाको हुने गरेको समेत उनले बताए । डब्लुएचओका प्रमुखले यी विश्वव्यापी चुनौती सँग जुध्न खाद्य नियामक समुदायको महत्वपूर्ण भूमिका रहेको जनाए ।

डा.टेड्रोसले यसको सामना गर्न संयुक्त प्रयासको आवश्यकतामा जोड दिए । उनले ३० लाख भन्दा बढी मानिसले पौष्टिक खाना किन्न नसक्ने बताए । उनले ले जोड दिए कि सबैका लागि सुरक्षित र सुलभ खाना सुनिश्चित गर्न सहयोग आवश्यक छ, किनकी खाद्य प्रणालीले सिमाना र महाद्वीपहरू पार गर्दछ ।

उक्त तिन दिने सम्मेलन मा भारतका केन्द्रीय स्वास्थ्य मन्त्री जेपी नड्डा, खाद्य मन्त्री प्रह्लाद जोशी, स्वास्थ्य सचिव अपूर्वा चन्द्रा, कोडेक्सका अध्यक्ष स्टीव वेयर लगायतका सहभागी थिए ।

भारतका केन्द्रीय खाद्य प्रशोधन र उद्योग मन्त्री, चिराग पासवान ले ग्लोबल फूड रेगुलेटर्स समिट २०२४ को समापन समारोहमा शनिवार भारतलाई विश्वव्यापी खाद्य बास्केट बनाउन निरन्तर काम गर्नमा जोडदिए ।