‘बुवा लाई टाइप १ मधुमेह भए बच्चाहरूमा रोगको जोखिम दोब्बर’

एक वैज्ञानिक टोलीले बुवा लाई टाइप–१ मधुमेह भएमा बच्चामा यो रोग लाग्ने सम्भावना झन्डै दोब्बर हुने खुलासा गरेको छ । याे अध्ययन डायबिटोलोजिया जर्नलमा प्रकाशित छ ।

यो अध्ययनले सुझाव दिन्छ कि गर्भमा टाइप १ मधुमेहको सम्पर्कमा आउनाले ती बच्चाहरूलाई यो रोगबाट दीर्घकालीन सुरक्षा प्रदान गर्न सक्छ जसको आमालाई यो रोग छ । ती बालबालिकाको दाँजोमा जसको बुवालाई यो रोग लागेको छ ।

अनुसन्धानकर्ताहरुको अनुसार यस सापेक्ष सुरक्षा को कारण बुझ्नु नयाँ उपचार विधिहरूको विकासको लागि अवसरहरू प्रदान गर्न सक्छ जसले टाइप १ मधुमेहलाई रोक्न मद्दत गर्न सक्छ ।

कार्डिफ युनिभर्सिटीका प्रमुख अनुसन्धान कर्ता डा. लोरी एलेनले भने, ‘टाइप १ मधुमेहको पारिवारिक इतिहास भएका व्यक्तिहरूमा यो अटोइम्युन रोग हुने सम्भावना ८–१५ गुणा बढी हुन्छ । तर, अध्ययनले देखाएको छ कि यो रोगको जोखिम बढी हुन्छ यदि प्रभावित आफन्त बुवा होस आमाको सट्टा । हामी यसलाई अझ बुझ्न चाहन्थ्यौ ।’

अघिल्लो अध्ययनहरूले सुझाव दिएका छन् कि प्रारम्भिक जीवनमा मातृ टाइप १ मधुमेह सन्तानको लागि सापेक्ष सुरक्षा सँग सम्बन्धित छ ।

नयाँ अध्ययनमा ११ हजार ४ सय ७५ व्यक्ति लाई सामेल गरियो जसले ० देखी ८८ वर्षको उमेरमा रोगको निदान पाएका थिए । परिणामहरूले देखाए कि उनीहरूलाई आमाको तुलनामा बुवाले गर्दा टाइप १ मधुमेह हुने सम्भावना (१.८ गुणा बढी) थियो ।