डिप्रेसनमा दिइने औषधि लक्षणमा सुधारको लागि प्रभावकारी

वैज्ञानिकहरूले केटामाइनको ढिलो रिलिज हुने चक्कीको विकास गरेका छन्, जुन डिप्रेसन का बिरामीहरूको उपचारमा प्रभावकारी साबित भएको छ ।

अनुसन्धान कर्ताहरूले भने कि नयाँ चक्कीले रक्त प्रवाहमा केटामाइन नामक एनेस्थेटिकको सानो मात्रा छोड्छ । जसले गर्दा बिरामीले डिप्रेसनबाट निको हुन केही फरक अनुभव गर्नु पर्दैन ।

अष्ट्रेलियाको युनिभर्सिटी अफ न्यु साउथ वेल्सका अनुसन्धान कर्ता कोलिन लू ले भने कि यो चक्की को साथ तपाइलाई फरक अनुभव हुँदैन किनभने एक पटकमा थोरै मात्रामा रगतमा निस्कन्छ, जुन धेरै दिनसम्म जारी रहन्छ ।

नेचर मेडिसिन जर्नलमा प्रकाशित अध्ययनले विस्तारित रिलीज ट्याबलेटको रूपमा दिइएको केटामाइन (विभिन्न मात्राको) को चरण २ क्लिनिकल परीक्षणको निष्कर्षलाई उजागर गर्दछ ।

उपचार प्रतिरोधी डिप्रेसनका लगभग १ सय ७० बिरामीहरूलाई अनियमित रूपमा पाँच समूहहरू मध्ये एउटा लाई प्लेसेबो दिइएको थियो र अन्य चारलाई विभिन्न फरक मात्रामा केटामाइन चक्कीहरू दिइयो ।

अनुसन्धान कर्ताहरूले पत्ता लगाए कि बिरामीहरू ले केटामाइनको उच्चतम मात्रा, १८० मिलि ग्राम सातामा दुई पटक दिँदा बिरामी मा सबैभन्दा राम्रो सुधार देखियो ।

अनुसन्धान कर्ताहरूले पत्ता लगाए कि बिरामीहरूलाई १८० मिलि ग्रामको मात्रा दिइयो उनीहरूको एमएडीआरएस स्कोरमा औसत रूपमा ३० देखी १४ अङ्कको कमी देखियो ।