‘८१ वर्षीय हजुर बुवा ले आफ्नो मिर्गौला दिएर २१ वर्षीय नातिनीको ज्यान जोगाए’
![](https://ap-south-1.linodeobjects.com/nepalhealthpress/2024/04/%E0%A4%AA%E0%A4%B7%E0%A4%AE-%E0%A4%A4%E0%A4%9A%E0%A4%AC%E0%A4%B2%E0%A4%95-%E0%A4%A8%E0%A4%9A%E0%A4%AC%E0%A4%B2%E0%A4%AE-%E0%A4%89%E0%A4%AC-%E0%A4%AE%E0%A4%AF%E0%A4%B2%E0%A4%AC%E0%A4%A4%E0%A4%AD%E0%A4%AE.jpg)
भक्तपुर– शहीद धर्म भक्त राष्ट्रिय प्रत्यारोपण केन्द्रमा ८१ वर्षीय हजुर बुवा ले दान दिएको मिर्गौला २१ वर्षीय नातिनी लाई प्रत्यारोपण गरिएको छ ।
प्रत्यारोपण केन्द्रका कार्यकारी निर्देशक एवं मिर्गौला तथा कलेजो प्रत्यारोपण विद् डा. पुकार चन्द्र श्रेष्ठको नेतृत्वमा चैत १९ गते उक्त मिर्गौला प्रत्यारोपण भएको हो ।
दाता जुनसुकै उमेरका भए पनि अंग प्रत्यारोपण गर्न सकिने जनाउँदै डा.पुकारले यस्तो उदाहरण हरू दाता र ग्रहणकर्ता बीचको लैङ्गिक असमानतामा समेत सुधार गर्न सक्ने बताए ।
प्रत्यारोपण पछि अंगदाता ८१ वर्षीय हजुर बुबा चौथो दिन मा र ग्रहणकर्ता नातिनी छैटौँ दिनमा सकुशल डिस्चार्ज भएका छन् ।
प्रत्यारोपण केन्द्रले पछिल्लो १२ वर्ष मा १ हजार २ सय २७ जनाको सफल मिर्गौला प्रत्यारोपण गरेको छ । यस्तै २३ जनाको कलेजो समेत प्रत्यारोपण गरेको हो ।
प्रतिक्रिया दिनुहोस