निन्द्राको कमीले भावनात्मक कार्य लाई प्रतिकूल असर, अध्ययनको दाबी,

एक अध्ययन अनुसार, निद्राको कमीले हामीलाई थकित मात्र बनाउँदैन, हाम्रो भावनात्मक कार्यलाई पनि असर गर्न सक्छ, सकारात्मक मुड मा कमी ल्याउन सक्छ र हामी लाई चिन्ताको लक्षणहरूको लागि ठूलो जोखिममा पार्न सक्छ ।

साइकोलजिकल बुलेटिन जर्नलमा प्रकाशित यो अध्ययनले निन्द्राको कमी र मुडमा ५० वर्षभन्दा बढी को अनुसन्धान वाट निष्कर्ष निकालेको हो । अध्ययन को निचोडले ३० प्रतिशतभन्दा बढी वयस्क र ९० प्रतिशत किशोर किशोरीले पर्याप्त निन्द्रा नपाएको देखाएको छ ।

यो अध्ययनमा ५ हजार ७ सय १५ सहभागीहरू समावेश थिए । यस अध्ययनले लामो समय सम्म जागरण, कम निन्द्रा अवधि र रातको जागरणले मानव को भावनात्मक कार्यलाई प्रतिकूल असर गर्छ भन्ने बलियो प्रमाण प्रदान गर्दछ ।

टोलीले पाँच दशकको १५४ अध्ययनहरू को तथ्याङ्क को विश्लेषण गर्यो, जसमा ५ हजार ७ सय १५ सहभागी हरू समावेश थिए । ती सबै अध्ययनहरूमा, शोध कर्ताहरूले एक वा बढी रातको लागि सहभागीहरूको निन्द्रामा बाधा पुर्याए। केही प्रयोगहरूमा, सहभागीहरूलाई लामो समयसम्म जगाएर राखिएको थियो।

यस अध्ययनमा के देखियो भने निन्द्राको हानिले खुशी, प्रसन्नता र सन्तुष्टि जस्तो सकारात्मक भावनामा कमी भयो । साथै तीव्र गतिले मुटुको चालमा बृद्घि भयो । यस्तै डिप्रेसन (उदासी रोग) को स्थिति बारे समेत थाहा पाइयो । अध्ययनमा सहभागी अधिकांश युवा वयस्क थिए ।