अचानक हर्ट एटैक हुनु अघि महिला र पुरुष मा फरक फरक संकेतः ल्यान्सेटमा प्रकाशित अध्ययन

महिला र पुरुषमा हर्ट एटैक को संकेत फरक फरक हुन्छ । एक अनुसन्धानका अनुसार महिलालाई सास फेर्न गाह्रो हुन्छ भने पुरुषलाई छाती दुख्ने गर्छ । यस सम्बन्धमा अमेरिकाको स्मिड्ट हर्ट इन्स्टिच्युटका चिकित्सकहरूले गरेको अध्ययन ल्यान्सेट डिजिटल हेल्थ जर्नलमा प्रकाशित भएको छ ।

रिपोर्टका अनुसार अचानक हृदयाघात हुने ५० प्रतिशत मानिसमा २४ घण्टा अगाडि नै यस्ता लक्षण देखिए । यो जानकारीले आकस्मिक हृदयघातलाई रोक्नको लागि ठूलो सफलता मिल्न सक्छ ।

वरिष्ठ मुटु रोग विशेषज्ञ सुमित चुघ को नेतृत्वमा गरिएको यो अध्ययनमा ५० प्रतिशत मानिसमा मुटुको काममा कमी आउनु भन्दा २४ घण्टा अघि स्पष्ट लक्षण देखिएको पाइएको थियो ।

जाँच कर्ताहरू ले थाहा पाए कि यी चेतावनी सङ्केतहरू पुरुषहरू भन्दा महिलाहरूका लागि फरक थिए । यस अन्तर्गत महिलाहरूलाई सास फेर्न गाह्रो भएको थियो भने पुरुषहरूले छाती दुख्ने अनुभव गरे । यद्यपि, महिला र पुरुष दुवैले पनि मुटुको चाल बढ्ने र फ्लु जस्तो लक्षणहरू समेत अनुभव गरे ।

रिपोर्टमा भनिएको छ, जो व्यक्ति अस्पताल बाहिर हृदयघात को शिकार हुन्छन् उनीहरू मध्ये ९० प्रतिशतले ज्यान गुमाउँछन् । यसले स्थिति लाई राम्रो सँग भविष्यवाणी गर्न र रोक्नको लागि तत्काल आवश्यक रहेको देखाउँछ ।

यो अध्ययनको लागि, अन्वेषकहरूले क्यालिफोर्निया को वेन्चुरा काउन्टी र ओरेगन को पोर्टल्यान्ड समुदाय – आधारित अध्ययनहरू को उपयोग गरे ।

भेन्टुरामा आधारित अध्ययनले हृदयाघात भएका ८२३ जनामध्ये ५० प्रतिशतलाई पहिलो २४ घण्टाभित्र आपतकालीन चिकित्सा व्यवसायी वा आपतकालीन चिकित्सा सेवा (इनर्जेन्सी मेडिकल सर्भिस) आवश्यक पर्यो । उनीहरूले २४ घण्टा अघि कम्तीमा एउटा स्पष्ट लक्षण अनुभव गरे। ओरेगनमा आधारित अध्ययनमा पनि यस्तै नतिजा फेला परेको छ।

भविष्यमा, हामी अचानक हृदयाघात को झन् राम्रो भविष्यवाणी को लागि यी प्रमुख लिंग – विशिष्ट चेतावनी सङ्केतहरू लाई क्लिनिकल प्रोफाइलहरू र बायोमेट्रिक उपायहरू सँग जोडेर उपयोग गर्ने छौं ।