प्रा.डा.मथुरा प्रसाद श्रेष्ठको निधन
![](https://www.nepalhealthpress.com/wp-content/uploads/2023/02/FB_IMG_1676864458846.jpg)
काठमाडौं – प्रा. डा. मथुरा प्रसाद श्रेष्ठको निधन भएको छ। ८८ वर्षीय डा.श्रेष्ठको अन्नपूर्ण न्यूरो अस्पतालमा उपचारका क्रममा सोमबार बिहान ४ बजेर १५ मिनेट जाँदा निधन भएको हो।
दश दिनअघि अस्पताल भर्ना गरिएका डा श्रेष्ठलाई पोष्ट कोभिड को समस्या थियो ।
नेपाल को चिकित्सा क्षेत्रमा डा श्रेष्ठ को योगदान अविस्मरणिय छ। चिकित्सा शास्त्र अध्ययन संस्थान (आइओएम)को स्थापनामा पनि उनले सक्रिय भूमिका निर्वाह गरेका थिए। डा. श्रेष्ठ सामुदायिक चिकित्साका प्राध्यापक थिए ।
चिकित्सा पेशामा रहेर पनि डा.श्रेष्ठले मानव अधिकार कर्मी र नागरिक समाज का अगुवाका रूपमा नेपालको प्रजातान्त्रिक आन्दोलनमा अहम भुमिका निर्वाह गरेका थिए ।
२०४६ सालको जन आन्दोलनपछि गठन भएको अन्तरिम सरकारको मन्त्रि मण्डल मा डा श्रेष्ठ स्वास्थ्य मन्त्री बनेका थिए ।
प्रतिक्रिया दिनुहोस